"Дэлхийн жендэрийн тэгш бус байдлын индекс жил бүр жендэрийн тэгш байдлын өнөөгийн байдал,  ахиц дэвшлийг дөрвөн үндсэн хэмжигдэхүүнээр (эдийн засгийн оролцоо ба боломж, боловсролын түвшин, эрүүл мэнд ба эсэн мэнд амьдрах чадвар, улс төрийн эрх мэдэл) харьцуулан үнэлдэг. Энэхүү индекс нь  2006 онд анх гарсан цагаасаа хойш жендэрийн тэгш бус байдлыг арилгахад чиглэсэн олон орны хүчийн чармайлтын ахиц дэвшлийг харуулж байгаа хамгийн олон жил гарч байгаа индекс юм."

"2023 оны үйл ажиллагааны тойм нь Европын Сэргээн Босголт Хөгжлийн банкны үйл ажиллагааны цар хүрээг улам бүр бэхжүүлж, өргөжүүлж урт хугацааны үр нөлөөг нэмэгдүүлэх түүхэн шийдвэрүүдийг онцлон танилцуулж байна. 2023 онд ЕСБХБ нь Украин дахь үйл ажлаа үргэлжлүүлэхээс гадна Саб-Сахарын Африкын орнууд болон Ирак улсад үйл ажиллагаагаа өргөжүүлэхэд зориулж 4 тэрбум еврогоор хөрөнгөө өсгөсөн.

ЕСБХБ нь хямралын эсрэг хариу арга хэмжээ авсаар байгаа бөгөөд хямралын эсрэг хариу арга хэмжээнд нийт 6.5 тэрбум еврогийн санхүүжилтийг олгосон нь рекорд эвдсэн дүн болж байна. Үүнд Ногоон эдийн засгийн шилжилтийн хүрээнд олгосон санхүүжилт болон Турк, Мароккод болсон аймшигт газар хөдлөлтийн үр уршгийн эсрэг санхүүжилт орж байна.

Банкны өөрчлөлт шинэчлэлтийн хөтөлбөр нь үр дүнтэй, үр ашигтай хамтрагч -орчин үеийн институци байхад чиглэсээр байна."

“Тогтвортой байдлын тайлан 2023-д Европын Сэргээн Босголт Хөгжлийн банк нь 2023 оны турш геополитикийн түгшүүртэй, хурцадмал байдал, инфляцийн дарамт, байгаль орчны сорилтуудын эсрэг өөрийн тавьсан тогтвортой хөгжлийн зорилтууддаа хүрэхээр үргэлжлүүлэн ажилласан үйл ажиллагаагаа дүгнэсэн байна. Мөн банк нь 2023 онд эдийн засгийн хүртээмжийг нэмэгдүүлэх чиглэлээр томоохон ахиц, дэвшил гаргасан ба нийт хөрөнгө оруулалтанд “жендэрийн мэдрэмжтэй/жендэрийн хувьд ухаалаг” төслүүдийн эзлэх хувь 44%-д хүрчээ.”

"Дижитал технологи нь эдийн засгийг өөрчилж, ажлын байр бий болгож, амьдралыг сайжруулж байна. Харилцаа холбоо, бизнес, эрүүл мэнд, боловсрол, санхүү болон бусад салбарууд ч дагаад эрс өөрчлөгдөж байна.

Гэсэн хэдий ч цахим хуваагдал (digital divide) хурц хэвээр байгаа бөгөөд хөгжлийн тэгш бус байдалтай ижил утгатай болж байна. Дэлхий даяар олон тэрбум хүн офлайн хэвээр байгаа бөгөөд цахим шилжилтийн дэвшил жигд бус байгаа нь цахимжиж буй болон цахимжилтаас хол үлдсэн хүмүүсийн хоорондын ялгааг улам бүр хурцатгаж байна.

"Санхүүгийн байгууллагын боловсон хүчний бүртгэл, ажил даалгаврын хуваарилалт, гүйцэтгэлийн талаарх баялаг өгөгдлийг ашиглан оюуны хөдөлмөрийн карьер хөгжилд жендэрийн зөрүүтэй байдлыг үүсгэж буй механизмуудыг судалсан байна. Карьерын эхний шатанд эмэгтэйчүүдийн хувьд албан тушаал ахих, хөгжихөд жендерийн зөрүү нэлээн нөлөөлж байна. 10,000 гаруй хөрөнгө оруулалтын төсөлд дүн шинжилгээ хийснээр төслийн багийг удирдуулах үүрэг далгаврууд (“тушаал дэвших боломжтой” даалгаврууд) нь карьер хөгжилд гарч буй жендерийн зөрүүтэй байдлыг тайлбарлаж, урт хугацааны карьерт нөлөөлдөг болохыг тогтоосон.

"Тогтвортой эдийн засагт шилжихэд бичил, жижиг, дунд бизнесүүд (БЖДБ) маш чухал юм. Тэд дэлхийн хэмжээнд нийт бизнесийн 90 хувийг бүрдүүлдэг бөгөөд нийт ажил эрхлэлтийн 50 гаруй хувийг бий болгодог.

Гэсэн хэдий ч хөгжиж буй зах зээл дэх БЖДБ-үүдийн санхүүжилтийн хүртээмж хязгаарлагдмал хэвээр байгаа нь тухайн бизнесийн өсөлтийг төдийгүй тогтвортой байдлын хүчин чармайлтыг хязгаарладаг. Санхүүгийн байгууллагууд (СБ) нь БЖДБ-ийн санхүүгийн хэрэгцээг нөхөхийн зэрэгцээ тэдний ногоон шилжилтийг бий болгоход чухал үүрэг гүйцэтгэж байна. БЖДБ-ийн тогтвортой байдлыг дэмжих санхүүжилт нь СБ-уудын хувьд багцаа өргөжүүлж, хөрөнгө оруулагчдаа төрөлжүүлэх боломжийг мөн олгож байгаагаа давуу талыг бий болгож байна.

"Дэлхий дахинд хүнс, шатахууны үнэ тогтворжихын хэрээр бүс нутгийн инфляци цаашид буурах төлөвтэй байна. Гэсэн хэдий ч анхаарал хандуулахуйц хэд хэдэн эрсдэл байсаар байна. Геополитикийн хурцадмал байдал, мөргөлдөөн нь нийлүүлэлтийн сүлжээг тасалдуулж, түүхий эдийн үнэд нөлөөлж болзошгүй. АНУ-ын мөнгөний бодлогын тодорхойгүй байдал, БНХАУ-ын үл хөдлөх хөрөнгийн зах зээлийн уналт үргэлжлэх магадлал, цаг агаарын эрс тэс үзэгдэл зэрэг нь бүс нутагт сорилт үүсгэж болзошгүй юм.

Хүртээмжтэй өсөлтийг дэмжих зах зээлийн мэдээллүүд

"Эмэгтэйчүүдийн санхүүгийн хүртээмжтэй байдлыг нэмэгдүүлж, хүчирхэгжүүлэхэд дижитал санхүүгийн үйлчилгээний боломжийг нээх нь чухал ач холбогдолтой юм. Хүртээмжтэй байдалд хүрэхэд саад тотгорууд байсаар байгаа ч финтекийн компаниуд энэхүү орон зайг нөхөх гол тоглогчид болж байна. Гэсэн хэдий ч  финтекүүдийн хувьд санхүүгийн хүртээмжтэй байдлыг нэмэгдүүлэхэд хэрхэн хувь нэмрээ оруулж байгаа болон ямар үйл ажиллагаа нь амжилтанд хүргэж байгаа талаар одоогийн хийгдсэн судалгаа ховор байна. Олон Улсын Санхүүгийн Корпораци-аас 17 орны 114 финтекүүдийн дунд хийсэн судалгаа болон салбарын 25 тэргүүлэгч нартай хийсэн ярилцлагад үндэслэн хэрхэн санхүүгийн хүртээмжийг нэмэгдүүлэх талаар энэхүү бичиг баримтад тусгасан байна."

ЭЗХАХБ-ын үнэлгээ

"2020 оноос хойш дэлхийн эдийн засагт тохиолдож буй хэд хэдэн цочрол нь жижиг, дунд бизнес (ЖДБ), бизнес эрхлэгчид болон тэдгээрийн санхүүгийн хүртээмжид ихээхэн нөлөөлж байна. Сүүлийн үеийн инфляцийн дарамт нь зээлийн нөхцөлийг чангатгаж, ЖДБ-д чиглэсэн санхүүгийн урсгалыг хязгаарлаж, хөрөнгө оруулалтад саад болж байна. ЖДБ болон бизнес эрхлэгчдийг санхүүжүүлэх нь 2024: ЭЗХАХБ-ын үнэлгээ нь 50 орчим орны ЖДБ болон бизнес эрхлэгчдийн санхүүжилтийн чиг хандлага, нөхцөл байдал, бодлогын хөгжлийг хянаж, судалсны үр дүнд гаргасан бичиг баримт болно."

"Эмэгтэйчүүд, бизнес ба хууль" тайлангийн 2024-ны цуврал нь дэлхийн 190 улсын жендэрийн эрх тэгш байдлыг хангахад чиглэсэн ахиц дэвшлийн шинэ хэмжүүрүүдийг танилцуулжээ. Энэ 10 дахь удаагийн  тайлангаар "Эмэгтэйчүүд, бизнес ба хууль 1.0" болон "Эмэгтэйчүүд, бизнес ба хууль 2.0" гэсэн өргөтгөсөн хувилбар гэсэн хоёр багц өгөгдлийг танилцуулж байна. Үүнд зөвхөн хууль, эрхзүйн баримт бичгийг “де юре” авч үзэхээс гадна тухайн хуулийн хэрэгжилтийг дэмжих тогтолцоог судалж, эдгээр хуулийн үр дүнгийн талаарх шинжээчдийн дүгнэлтийг “де-факто” авсан байна. Ингэхдээ аюулгүй байдал, хөдөлгөөнт байдал, ажлын байр, цалин хөлс, гэрлэлт, эцэг эхийн эрх үүрэг, хүүхэд асрах, бизнес эрхлэлт, хөрөнгө, тэтгэвэр гэсэн 10 үзүүлэлтийг хамран судалсан."

"Азийн Хөгжлийн банкнаас гаргасан энэхүү тайланд Ази, Номхон Далайн орнуудын худалдаа, дэлхийн нэмүү өртгийн сүлжээ, хил дамнасан хөрөнгө оруулалт, санхүүгийн интеграцчлал, хүн амын шилжилт хөдөлгөөн зэрэгт гарсан өөрчлөлтийн тоймыг гаргаж, дэлхийн нэмүү өртгийн сүлжээг нүүрстөрөгчгүйжүүлэх арга замыг судалсан байна."

"Технологийн хурдацтай өөрчлөлт, эдийн засгийн тодорхойгүй байдал, дэлхийн дулаарал, зөрчилдөөн зэрэг ойрын арван жилд бидний нүүрлэж болзошгүй хамгийн ноцтой эрсдэлүүдийн заримыг энэхүү Дэлхийн эрсдэлийн тайланд судалсан байна. Хамтын ажиллагаа дарамт шахалтад өртөж байгаа энэ үед суларсан эдийн засаг болон нийгэмд жижигхэн цохилт л уян хатан байдлыг алдагдуулах магадлалтай."